У Беларусі зацвердзілі новы памер базавай арэнднай велічыні, які набудзе моц з 1 красавіка 2025 года. Як паведамілі ў прэс-службе Дзяржаўнага камітэта па маёмасці, зараз ён складзе Br18,77.
Змяненне паказчыка адбылося з улікам індэкса спажывецкіх цэн за 2024 год у параўнанні з 2023-м. У Дзяржкаммаёмасці адзначылі, што павелічэнне на 5,7 працэнта дасць магчымасць эфектыўна кіраваць дзяржаўнай маёмасцю і кампенсаваць затраты арэндадаўцаў, не ўплываючы на дзелавую актыўнасць.
Прапанова аб карэкціроўцы базавай арэнднай велічыні атрымала аднагалосную падтрымку прадпрымальніцкіх структур у рамках грамадска-кансультатыўнага савета па развіццю бізнесу пры Дзяржкаммаёмасці.
