3 месяцы арышту з пазбаўленнем права кіравання ўсімі відамі транспартных сродкаў на 5 гадоў за паўторную язду асобай, якая не мае права кіравання: пракуратура Пухавіцкага раёна падтрымала дзяржабвінавачанне.

Пракуратура Пухавіцкага раёна падтрымала ў судзе дзяржаўнае абвінавачанне па крымінальнай справе ў дачыненні да 34-гадовага мясцовага жыхара – яму інкрымінавана кіраванне транспартным сродкам асобай, якая не мае права кіравання гэтым, калі гэтае дзеянне здзейснена неаднаразова.

Як устаноўлена, грамадзянін К., прыцягнуты 30 верасня 2021 года судом Пухавіцкага раёна Мінскай вобласці да адміністрацыйнай адказнасці па ч.2 арт. 18.14 КаАП Рэспублікі Беларусь, неаднаразова, на працягу аднаго года пасля накладання адміністрацыйнага спагнання за кіраванне транспартным сродкам асобай, якая не мае права кіравання гэтым сродкам, зноў кіраваў транспартным сродкам – аўтамабілем «ВАЗ 21013», не маючы права кіравання гэтым сродкам. Мужчыну спынілі супрацоўнікі ДАІ ў аграгарадку Дукора Пухавіцкага раёна.

Падчас судовага следства абвінавачаны прызнаў віну ў поўным аб’ёме і паказаў, што сапраўды права кіравання транспартным сродкам катэгорыі «В» ніколі не меў, у выніку здзейсніў злачынства, у якім ён раскайваецца.

З улікам прадстаўленых дзяржаўным абвінаваўцам доказаў суд Пухавіцкага раёна пастанавіў абвінаваўчы прысуд. На падставе ч.1 арт.317-2 Крымінальнага кодэкса Рэспублікі Беларусь абвінавачанаму прызначана пакаранне ў выглядзе арышту на тэрмін 3 месяцы з пазбаўленнем права займацца дзейнасцю, звязанай з кіраваннем транспартнымі сродкамі, на тэрмін 5 гадоў.

Прыгавор у законную сілу не ўступіў, можа быць абскарджаны і апратэставаны ў апеляцыйным парадку.

Пракурор Пухавіцкага раёна Дзмітрый Лугін